Kjúklingur í rauðvíni / Coq Au Vin

Fyrir þá sem eru spenntir fyrir rómantískum og exótískum réttum, er hér Coq Au Vin franskur sveitakjúklingaréttur ( mjög þekktur) sem er hrein snilld. Þetta er ekki alveg hrist fram úr erminni en því betri er endanleg útkoma. Njótið þess að matreiða réttinn og snæðið í myrkrinu við kertaljós með góðu rauðvíni, góðu salati og kannski heitu löngu brauði.

Coq Au Vin

Kjúklingabitar 1000 til 1400g eða heill kjúklingur skorinn í 9 bita !

Bitarnir settir í plastpoka ásamt hveiti, pipar og salti og hrist þar til kjúklingurinn er þakinn hveiti.

Látið liggja smástund, á meðan smjörið og olían er hitað í stórum, þykkbotna potti.

Laukurinn settur út í og steiktur við meðalhita þar til hann er rétt að byrja að taka lit; hrært öðru hverju.

Beikonið sett út í og steikt áfram þar til það er farið að brúnast.

Þá er beikonið og laukurinn tekið upp með gataspaða og sett á disk.

Kjúklingabitarnir settir í pottinn (í tvennu lagi ef þarf) og steiktir við meðalhita þar til þeir hafa brúnast á öllum hliðum.

Nú er rauðvíninu hellt út í pottinn með kjúklingabitunum.

Laukur, beikon, hvítlaukur, lárviðarlauf og timjan sett í pottinn, hitað að suðu, lokað og látið malla við hægan hita í um 1 klst. – þá er sveppunum bætt út í og látið malla í hálftíma.

Kjúklingurinn tekinn upp úr og settur á hitað fat. Laukur og sveppir teknir upp með gataspaða og raðað í kring.

Hitinn hækkaður og sósan látin bullsjóða í nokkrar mínútur en síðan smökkuð til og hellt yfir kjúklinginn.

Borið fram strax.

Fyrir þá sem vilja skoða aðrar uppskriftir á Coq Au Vin eru hér fleiri1 2 3 og erlendar uppskriftir 4 5

Uppskriftir

Kjúklingur í rauðvíni / Coq Au Vin

Innihald